“COVID-19”ГА ҚАРШИ ЭМЛАШ ХУСУСИДА ЙИҒИЛИШ ЎТКАЗИЛДИ
Бугун Оқдарё туман ҳокимлигида туман ҳокими Н.Сулаймонов раҳбарлигида ҳоким ўринбосарлари, тиббиёт ходимлари ҳамда маҳалла фуқаролар йиғинлари раислари иштирокида “COVID-19”га қарши эмлаш ишларини олиб борилиши хусусида йиғилиш бўлиб ўтди.
Йиғилишда бугунги кунда тумандаги эпидемиологик вазият, “COVID-19” профилактикаси бўйича бирламчи чоралар, “COVID-19”га қарши эмлаш бўйича амалга оширилаётган ишлар муҳокама этилди. Шунингдек, туман раҳбари касалликдан ҳимояланишда бирдан-бир чора “COVID-19”га қарши эмланиш, вакцина олиш зарурлигини таъкидлаб, маҳаллаларда аҳоли ўртасида “COVID-19”га қарши эмлашни тарғиб қилиш, ҳудудларда фуқаролар эмланишлари учун шароитларни янада яхшилаш борасида топшириқлар берди.
Оқдарё туман ҳокимлиги ахборот хизмати