Болалар саломатлиги ва хавфсизлигини назоратга олиш бўйича семинар-тренинг ўтказилди
Хабарингиз бор, Республика махсус комиссиясининг қарорига асосан сентябрь ойидан мактабгача таълим ташкилотларининг фаолиятига рухсат берилди. Шу муносабат билан бугун Оқдарё туман мактабгача таълим бўлими томонидан бўлим тасарруфидаги 7-сонли мактабгача таълим ташкилотида давлат мактабгача таълим ташкилотлари ҳамшираларига ўқув семинар-тренинги ўтказилди.
Семинарда МТТ ҳамшираларига пандемия шароитида карантин қоидаларига амал қилиш, болалар саломатлиги ва хавфсизлигини назоратга олиш бўйича кўрсатмалар ва тавсиялар берилди.
Оқдарё туман ҳокимлиги ахборот хизмати