Хотин-қизларни тадбиркорликка жалб этиш бўйича ўқув курслари бошланди
Ўзбекистон Республикаси Пезиденти томонидан илгари сурилган "Беш муҳим ташаббус"нинг бешинчиси бўлган хотин-қизларнинг бандлигини таъминлаш бугунги кунда долзарб вазифалардан бири ҳисобланади. Бу борада Оқдарё туманида ҳам бир қатор ишлар амалга оширилмоқда.
Жумладан, Самарқанд вилояти Хотин-қизлар тадбиркорлик маркази тренерлари томонидан тумандаги кичик тадбиркорликни бошлашга қизиқиш билдирган хотин-қизларни тадбиркорликка жалб этиш мақсадида Оқдарё 2-сон касб-ҳунар мактабида 40 соатлик қисқа муддатли ўқув курсларида 45 нафар изланувчан хотин-қизларни ўқитилиши бошланди. Ўқув курсларини муваффаққиятли тугатганларга марказ томонидан сертификатлар тақдим этилади.
Сертификатни қўлга киритган хотин-қизлар имтиёзли кредит олиб, ўз тадбиркорлик фаолиятларини йўлга қўйиш имкониятига эга бўлишади.
Оқдарё туман ҳокимлиги ахборот хизмати