Оилада қайнона ва келин муносабатларининг аҳамияти

Оилада қайнона ва келин муносабатларининг аҳамияти

 

Ҳозирги вақтда ёш оилалар ўртасида ажримларни таҳлил қилганимизда кўп учрайдиган ҳолатлар қизларимизни кўпчилиги оила қуришга тайёр бўлмай туриб турмушга чиқиши, қайнона ва келин муносабатларинини бузилиши натижасида ажримлар келиб чиқмоқда.

Иш фаолиятимиз давомида бўлимимизга ажрим масаласида келаётган ёш оилаларни ўрганар эканмиз, куёвларимиз иш билан уйда бўлмаслиги, оиладаги вазиятдан хабари йўқлиги, келин асосан қайнона билан қайнотанинг хизматида бўлиши, шунингдек, қизларимиз оила юмушларида кўп нарсалардан бехабар бўлса қайнонасининг норозилиги оқибатида оилада келин ва қайнона муносабатлари бузила бошлаши ва ишдан келган ўғлига келиннинг хато ва камчиликларини ўғлига айтиши ортидан оилада келин, куёв, қайнона ўртасида жанжал келиб чиқаётганлиги каби ҳолатларга гувоҳ бўляпмиз. Бу каби ҳолатлар кўпроқ қизларини жуда эрта турмушга берган оилаларда учраяпти.

Шундай ҳолатларда куёвларимизни ҳам уйланишга тайёр эмаслиги билиниб қоляпти. Йигит аввало ақл билан иш тутиши, тарозини икки палласини бир маромда тутишни билиши шарт. Чунки бу жанжалга биргини ўғил оиланинг солиҳ эркаги сифатида нуқта қўяди.

Бу борада азиз оналаримизга айтар гапимиз шуки, ёшгина қизни орзу хаваслар билан келин қилдингиз, энди уни ўз тарбиянгизга олинг, билмаганини билдириб, ёмонини яшириб, яхшисини ошириб туринг, вақти келиб ҳаммаси изига тушади. Бунга сабр, муроса-ю мадор билан эришинг. Ҳолбуки келинини ўз қизидай кўриб меҳр оқибат кўрсатиб, келин ҳам қайнонасини ўз онасидек эҳтиром, иззат-у, икромда тутадиган келинлару қайноналар камми дунёда. Турмушга узатилаётган қизларимизга авволом бор, тушаётган оилага нисбатан  ҳаётнинг  паст-у баландликлари ҳақида  онаси, ўзидан катта опалари  тушунтирмоғи лозим.

 

Дилафруз Шакарова, Оқдарё туман ФҲДЁ бўлими 1-тоифали инспектори