“Оила” илмий-амалий тадқиқот маркази Оқдарё туман бўлими томонидан 2019 йилнинг 11-15 март кунларида амалга оширилган илмий-амалий тадқиқот ишлари юзасидан М А Ъ Л У М О Т

Ўзбекистон Республикаси Президентининг 2018 йил 2 февралдаги “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида”ги ПФ-5325-сон Фармонининг ижросини таъминлаш мақсадида “Оила” илмий-амалий тадқиқот маркази Оқдарё туман бўлими томонидан “Никоҳ олдидан тиббий кўрикдан ўтиш масалаларини ўрганиш” ва “Яқин қариндошлар никоҳини олдини олиш” мавзуларида 2019 йилнинг 11-15 март кунларида туманнинг Лойиш, Наврўз, Мустақиллик, Пичоқчи, Оқдарё маҳаллаларидаги ёш никоҳланган оилалардан 30 нафари ўрганилди. Янги никоҳланган оилаларда сўровнома паспортлари тўлдириш жараёнида улардан
- наркологик текшириш, ОИТС касаллиги, сил касаллиги, руҳий касалликлари, кўз ва томоқ-бурун касалликлари бўйича ташҳис керакми? – деган саволга 25 нафари ха, 1 нафари йуқ деган жавоблари беришди;
- аҳоли томонидан 22 нафари чуқурлаштирилган тиббий кўрикнинг зарур эканлигини, йигитлар учун уролог кўриги ва қизлар учун ультра товуш (УЗИ) текширувлари қўшимча киритилиши таклифини киритди.
- Агар тиббий кўрик натижасида никоҳланувчилардан бирида қандайдир жиддий касалликлар аниқланса иккинчи томон қандай йўл тутиши лозим? – деган саволга 1 нафари никоҳни бекор қилиниши, 25 нафари даволанишга ҳаракат қилиши керак деб фикр билдиришди.
Ўрганилган хонадонлардан 4 нафари қариндошга қуда бўлганлар бўлиб, улардан 1 нафари қариндошлар ўртасидаги никоҳни афзаллигини, қолган 3 нафари фарзандларида ногиоронлик аломатлари кузатилганлиги учун бундай никоҳларни тузилишига қарши эканлигини билдирди.
Оилалар билан суҳбатлар давомида “Соғлом оила – соғлом жамият”, “Репродуктив саломатлик”, “Оила – жамият ва давлат ҳимоясида” мавзуларида қисқа маърузалар ўқилди, тавсиялар берилди. Туманнинг бошқа маҳаллаларида ҳам тадқиқотлар давом этиб келинмоқда.